रोटी चढाइने भैरवस्थान मन्दिर
पाल्पा ,कार्तिक २५ ।पाल्पाको रिब्दीकोट गाँउपालिकामा रहेको भैरवस्थान मन्दिर प्रख्यात रहेको छ । मन्दिरमा त्रिशुल तथा रोटी चढाएर पूजा गर्न दर्शनार्थीहरुको ठूलो भीड लाग्ने गरेको छ । भैरव मन्दिरको मुख्य बिशेषता मध्ये यहाँ चढाइने रोटी पनि हो ।
एक माना वा एक पाथी चामलको पिठोबाट बनेको रोटी चढाइने गरेको छ ।
पिठोमा नरिवल, किसमिस, छोकडा, ल्वाङ, सुकुमेल जस्ता मसालाहरु मिसाएर घिउमा पकाउने गरिन्छ । यहाँ एक पटक दर्शन गरेमा पाप पखालिने धार्मिक विश्वास छ । यही विश्वासका साथ नेपालसँगै भारतका हिन्दु धर्मावलम्वी यहाँं आउने गर्छन् ।
कमेन्ट गर्नुहोस !