स्वास्थ्य कार्यालय अर्घाखाँचीको आयोजनामा बालरोगको एकिकृत व्यबस्थापन सम्बन्धी आधारभुत तालिम सम्पन्न
सागर महत ,मंसिर १२अर्घाखाँची ।
स्वास्थय कार्यालय अर्घाखाँचीको आयोजनामा स्वास्थ्यकर्मीहरूका लागि समुदायमा आधारित नवजात तथा बालरोगको एकिकृत व्यबस्थापन सम्बन्धी आधारभुत तालिम सम्पन्न भएको छ।
६ दिन सम्म संचालन भएको तालिमको सन्धिखर्कमा समापन कार्यक्रममा बोल्दै जिल्ला समन्वय समितिका प्रमुख जिवनारायण कोइरालाले दुर्गम क्षेत्रका समुदायका शिशु तथा बालबालिकाहरूले विभिन्न रोगको संक्रमणका कारणले अकालमै ज्यान जाने जोखिमलाई न्युनिकरण गर्न स्वास्थ्यक्रमीको भुमिका महत्व पुर्ण हुने बताउनुभएको छ ।यस्तै जिल्लामा बाल मृत्युदर शुन्यमा पुर्याउन स्वास्थ्यक्रमीलाई आग्रह गर्नुभएको छ ।
तालिममा जिल्लाका ६ वटै पालिका का स्वास्थ्यक्रमीको सहभागीता गराइएको स्वास्थय कार्यालय अर्घाखाँचीका कार्यालय प्रमुख कृष्ण प्रसाद पोखरेलले जानकारी दिनुभयो ।तालिममार्फत सहभागी स्वास्थ्यकर्मीहरूलाई नवजात शिशुमा देखिन सक्ने जोखिम चिन्हको पहिचान, समयमै उपचार, सन्दर्भ व्यवस्थापन तथा समुदायस्तरमा आवश्यक सेवा प्रवाहबारे प्रशिक्षण मुलक तालिम संचालन गरिएको हो ।विशेष गरि ० देखि २ महिना र ६ महिनादेखि ५९ महिना सम्मका बालबालिकामा देखिन सक्ने जोखिम र समधानको बारेमा जानकारी गराइएको प्रमुख पोखरेलको भनाई छ ।
तालिममा विरबहादुर बोहोरा,सुनिता आचार्य,गणेशराज पौड्ेल लगायले प्रशिक्षण दिनुभएको थियो ।कार्यक्रममा बोल्दै प्रशिक्षक विरबहादुर बोहोराले सिपको सोहि सदुपयोग गर्न आग्रह गर्नुभयो ।सहभागीको तर्फबाट स्वास्थ्य क्रमी भोजराज खनालले यि यस्ता कार्यक्रम आगामी दिनमा पनि संचालन गर्न जरुरी रहेको बताउनुभएको हो ।
कार्यक्रममा यमुना मरासीनी,निरु अधिकारीले पनि सहजीकरण गर्नुभएको थियो ।तालिममा सहभागीहरुलाई प्रमाण पत्र समेत प्रदान गरिएको थियो ।
कमेन्ट गर्नुहोस !