सन्धिखर्कमा विद्यालयमा विद्युतिय सुरक्षा सम्बन्धी जनचेतना कार्यक्रम संचालन
सागर महत,मंसिर ९अर्घाखाँची ।
नेपाल विद्युत प्राधिकरण, अर्घाखाँची वितरण केन्द्रको आयोजनामा विद्यालयमा विद्युतिय सुरक्षा सम्बन्धी जनचेतना कार्यक्रम संचालन गरिएको छ ।
विद्यार्थीहरूलाई सुरक्षित रूपमा विद्युत प्रयोग गर्ने तरिका, आपतकालीन अवस्थामा अपनाउनु पर्ने सावधानी र विद्युत सम्बन्धी सम्भावित जोखिमबारे विस्तृत रूपमा जानकारी दिइएको थियो।
कार्यक्रम मा घर–परिवार, विद्यालय तथा समुदायमा विद्युतीय उपकरणहरूको सुरक्षित प्रयोग, तार–जडानका जोखिम, खुला लाइनबाट टाढा रहने, आकस्मिक विद्युत चुहावट वा आगलागी भएमा अपनाउने कदमबारे व्यवहारिक रूपमा प्रशिक्षण प्रदान गरिएको नेपाल विद्युत प्राधिकरण, अर्घाखाँची वितरण केन्द्र प्रमुख जनार्दन पौडे्लले जानकारी दिनुभयो ।
पहिलो चरणमा सन्धिखर्क १ मा रहेको युवावर्ष जनता रविचित्र मा.वि. र आज सन्धिखर्क २मा रहेको जनज्योति मा.वि. मा कार्यक्रम संचालन गरिएको हो ।विद्यालय क्षेत्रमा शुरुदेखिनै सुरक्षित विद्युत प्रयोगबारे चेतना बढेमा विद्युत दुर्घटनाको दर न्यूनिकरण हुने अपेक्षा राखिएको छ । यो अभियान जिल्लाका ६ वटै पालिकामा विद्यालय स्तरमा संचालन गरिने प्रमुख पौड्ेलको भनाई छ ।
कमेन्ट गर्नुहोस !