राजनीतिक गतिविधिमा संलग्न हुने शिक्षक बर्खास्त हुन्छःमन्त्री पुन
काठमाण्डौं,कार्तिक २३ । शिक्षक, प्राध्यापक तथा कर्मचारीलाई राजनीतिक गतिविधिमा संलग्न हुने अधिकार नदिएको र त्यस्तो पाइएमा पदबाट बर्खास्त गरिने भएको छ ।शिक्षा विज्ञान तथा प्रविधिमन्त्री महावीर पुनले शिक्षक, प्राध्यापक तथा कर्मचारीहरूले पेशागत आचरण र कर्तव्यविपरीत राजनीतिक गतिविधिमा संलग्न भएको र शैक्षिक गुणस्तर खस्किएको गुनासो आएकाले फरक निर्णय गरिएको जनाएको छ ।
सोही गुनासोसँगै राजनीतिक क्रियाकलापमा संलग्न हुनेलाई प्रचलित कानून अनुसार पदबाट बर्खास्तसम्मको कारबाही गर्ने उहाँले चेतावनी समेत दिनुभएको हो। मन्त्री पुनले आज सुचना जारी गर्दै यस्तो बताउनुभएको हो ।
कमेन्ट गर्नुहोस !