त्रिवेणी सहकारीद्वारा दुर्घटना बापतको २ लाखको चेक मृतकका परिवारलाई हस्तान्तरण
सन्धिखर्क । त्रिवेणी बचत तथा ऋण सहकारी संस्था सन्धिखर्कले दुर्घटनामा परी मृत्यु भएका सेयर सदस्यको परिवारलाई दुर्घटना बिमा बापतको २ लाख रकम भुक्तानी गरेको छ ।
गत असार २३ गते त्रिवेणीको सेयर सदस्य बन्नुभएका सन्धिखर्क नगरपालिका वडा नम्बर १० निवासी बल बहादुर खत्रीको असौज १२ गते दुर्घटनामा परि मृत्यु भएको थियो । ४ हजार २ सय ४७ रुपैंया मात्र जम्मा गर्नुभएको बल बहादुरको त्रिवेणीमा जोडिएको ४ महिनामै मृत्यु भएको हो ।
सो रकम बल बहादुर कि श्रीमती रमनी पाण्डे खत्रीलाई त्रिवेणीले नेको इन्सोरेन्ससंग गरेको शेयरसदस्य दुर्घटना बिमा मार्फत प्राप्त २ लाख रुपैंया एक कार्यक्रमका बिच हस्तान्तरण गरिएको त्रिवेणीका अध्यक्ष कमल प्रसाद घिमिरेले बताउनुभएको छ ।
चेक हस्तान्तरण कार्यक्रममा सन्धिखर्क २ का वडा अध्यक्ष मोतिजंग रायमाझी,त्रिवेणीका कार्यालय प्रमुख तुल्सीराम खनाल, सचिव नारायण प्रसाद भुसाल लगायतको सहभागीता रहेको थियो ।
कमेन्ट गर्नुहोस !