शान्ति समाज अर्घाखाँचीको १३ औं बार्षिक साधारण सभा सन्धिखर्कमा सम्पन्न
सन्धिखर्क,कार्तिक २९ ।मानव अधिकार तथा शान्ति समाज अर्घाखाँचीको १३ आंै बार्षिक साधारण सभा सन्धिखर्कमा सम्पन्न भएको छ । साधारण सभामा बोल्ने बक्ताहरुले मानव अधिकार र शान्तिको प्रत्याभूती जनतामा नहुदा पछिल्ला दिनमा लोकतन्त्र प्रतिनै प्रश्न उठ्ने गरेको बताएका छन् ।
साधारण सभाको उद्धाट्न गर्दै सन्धिखर्क नगरपालिकाका सस्थापक नगर प्रमुख कमल प्रसाद भुसालले जनताको लामो संघर्ष र बलिदानीबाट प्राप्त भएको लोकतन्त्रलाइ बचाउन सबै लाग्नु पर्ने बताएका छन् । २०६२/६३ को जनआन्दोलन तथा नेपालमा लाकतान्त्रिक गणतन्त्र स्थापनमा मानव अधिकार तथा शान्ति समाजले खेलेको भूमिका उल्लेख्य रहेको बताएका छन् ।
मानव अधिकार तथा शान्ति समाजको पुर्ब बरिष्ठ उपसभापति तथा अनुशासन समितका संयोजक कृष्ण बहादुर रावलले जलबायु परिर्बतन, नदी बचाउ जस्ता अभियानहरु शान्ति समाजले चलाउदै आएको बताएका छन् । उनले नेपालमा मात्र हैन् विश्वमानै शान्ति कायम हुनु पर्छ भन्ने मान्यताका साथ शान्ति समाज अघि बढेको बताए ।
कार्यक्रममा नेपाल ट्रेड युनियन कांग्रेस लुम्बिनी प्रदेशका उपाध्यक्ष नन्दराम भट्टराई, नेपाल पत्रकार महासंघका लुम्बिनी प्रदेश कोषाध्यक्ष प्रेमनारायण आचार्य, नेपाल शिक्षक संघका जिल्ला अध्यक्ष शारदा भट्टराई, शान्ति समाज अर्घाखाँचीका निबर्तमान सभापति निलकण्ठ भुसाल लगायतले मन्तव्य राखेका थिए ।
कार्यक्रम शान्ति समाज अर्घाखाँचीका सभापति मधु अधिकारीको अध्यक्षता र सचिव सागर महतको सञ्चालनमा सम्पन्न भएको हो ।
कमेन्ट गर्नुहोस !