अर्घाखाँची अस्पतालमा कोरोनाका बिरामीका लागि बेडको अभाव
सागर महत/ अर्घाखाँची ।
अर्घाखाँची अस्पतालमा कोरोनाका बिरामीलाई बेडको अभाव भएको छ ।१० बेडको एचडियु र ६ बेडको जनरल गरी १६ वटा बेड कोरोनाका बिरामीको उपचारको लागि भए पनि हाल अस्पतालले २३ जना बिरामी राखेर उपचार गरिरहेको अस्पतालका प्रमुख डाक्टर कपिल गौतमले जानकारी दिनुभयो ।
हालसम्म अस्पतालमा भर्ना भएका कोरोना संक्रमित ६५ जना बिरामी मध्ये ३९ जना बिरामी डिस्चार्ज भएको गौतमको भनाइ छ ।जिल्लामा पछिल्लो १५ दिनमा १० जना कोरोना संक्रमितको उपचारको क्रममा मृत्यु भएको स्वास्थ्य कार्यालय अर्घाखाँचीका सुचना अधिकारी विजय विकले बताउनुभयो ।हाल जिल्लामा ५ सय १३ जना संक्रिय संक्रमित रहेका बताईएको छ ।
कमेन्ट गर्नुहोस !