सन्धिखर्क–गोरुसिंगे सडकखण्डमा आधा घण्टाको फरकमा यातयातका साधन संचालन हुन्छःप्रजिय सुवेदी
सागर महत, कार्तिक २६ सन्धिखर्क।
सन्धिखर्क–गोरुसिंगे सडकखण्ड बिहान १० बजेदेखि दिउँसो ४ बजेसम्म पूर्ण रूपमा बन्द नहुने भएको छ । जिल्ला प्रशासन कार्यालय अर्घाखाँचीले आजदेखि मंसिर १० गते सम्मको लागि सडक खण्ड मर्मत तथा स्तररोन्नतिको लागि समय दिएको थियो ।
यात्रुलाई सहज रुपमा आवत जावतको लागि आधा घण्टाको समयमा सवारीलाई गन्तव्य तर्फ जाने गरि निर्देशन दिएको प्रमुख जिल्ला अधिकारी तोयनारायण सुवेदीले जानकारी दिनुभएको छ ।
मंगलबारको सर्वदलीय बैठक बमोजिम निर्माण काम र यात्रुलाई सहज हुने गरि प्रक्रिया अगाडि बढाएको उहाँको भनाई छ ।अहिले नरपानीदेखि ठाडाको बिचको बाटोको मर्मत तथा स्तररोन्नति काम चलेको हो ।हिजो समय निर्धारणमा केहि फरक पर्न गएकाले त्यसलाई सच्याएको हो ।
१५ दिन सम्म सडक निर्माण कामले पनि निरन्तरता पाएमा बाटोमा यात्रु संगै यातयातका साधनलाई सहज हुने आज प्रशासन कार्यालयमा आयोजित पत्रकार भेटघाट कार्यक्रममा बोल्दै यस्तो बताउनुभएको हो ।
यस्तै शान्ती सुरक्षालाई मजवुद बनाउन सबै क्षेत्रबाट सहयोगको अपेक्षा रहेको बताउनुभएको हो ।प्रजिअ सुवेदीले पछिल्लो समयमा जिल्लामा देखिएका मुख्य समस्याको बारेमा पत्रकार संग जानकारी लिनुभएको थियो ।कार्यक्रममा पत्रकार महासंघ लुम्बिनी प्रदेश का कोषाध्यक्ष प्रेमनारायण आचार्य,जिल्ला अध्यक्ष गणेश खनाल,पुर्व अध्यक्ष अशोक खनाल लगायतका संचारक्रमीको सहभागीता रहेको थियो ।
कमेन्ट गर्नुहोस !