१० औं राष्ट्रिय खेलकुद प्रतियोगिता फागुनमा हुने

काठमाण्डौ ,कार्तिक २५ । दशौं राष्ट्रिय खेलकुद प्रतियोगिता आउँदो फागुनको पहिलो हप्ता आयोजना गर्ने निर्णय भएको छ । मन्त्रिपरिषद्को बैठकले आउँदो फागुन १ गतेदेखि ७ गतेसम्म कर्णाली प्रदेशमा दशौं राष्ट्रिय खेलकुद प्रतियोगिता आयोजना गर्न स्वीकृति दिने निर्णय गरेको सरकारका प्रवक्ता समेत रहेका सञ्चार तथा सूचना प्रविधिमन्त्री जगदीश खरेलले जानकारी दिनुभयो ।
यस्तै बैठकले प्रतियोगिताका लागि ६३ करोड बजेट छुट्टाउने निर्णय गरेको छ । हरेक दुई वर्षमा हुने भनिएको दशौं राष्ट्रिय खेलकुद गएको वर्ष आयोजना हुन सकेन । जेन–जी आन्दोलनपछि खेलकुदमन्त्री बनेका गुप्ताले यस वर्ष राष्ट्रिय खेलकुद प्रतियोगिता आयोजना गर्ने निर्णय गर्नुभएको हो ।




कमेन्ट गर्नुहोस !