साना किसान सहकारी नरपानीको २७ औं बार्षिक साधारण सभा सम्पन्न,कुल पुँजी २८करोड बढी
सागर महत,कार्तिक २१ सन्धिखर्क ।
साना किसान कृषि सहकारी संस्था लिमिटेड नरपानीको २७ औं बार्षिक साधारण सभा सम्पन्न भएको छ ।
सन्धिखर्क नगरपालिका ६ नरपानीको फुलबारी चौउरमा आयोजित उदघाटन कार्यक्रममा बोल्दै सन्धिखर्क नगरपालिका वडा नम्बर ६ का वडा अध्यक्ष श्रीधर महत्राले यो सहकारी जिल्लामा सबै भन्दा ठुलो रहेको बताउनुभएको हो।
विशेष गरी महिला दिदिबहिनीहरु संस्थामा आबद्व बढी रहनुभएको छ । यसले सहुलियत दरमा ब्याजदर,किसानको उत्पादन मुलक तरकारीको लागि तालिम ,बिमा अनुदानका कार्यक्रम संचालन गर्दै आएकाले संस्था ग्रामीण क्षेत्रमा फरक किसिमको पहिँचान बनाउन सफल भएको महत्राको भनाई छ ।
सहकारीमा २८करोड ७८लाख ७९हजार ४सय७१रुपँयाको पुँजी रहेको सहकारीकी प्रबन्धक सरस्वती न्यौपाने बताउनुभयो।
यस्तै सहकारी अहिले सन्धिखर्क नगरपालिका ६ र पाणिनि गाउँपालिका ७ केन्द्रित भएपनि आगामी दिनमा यसको क्षेत्र विस्तार शितगंगा नगरपालिकामा पनि गर्न लागिएको उहाँले बताउनुभयो ।अहिले संस्थामा १हजार ८सय ९५ जना शेयर सदस्य रहेको जनाएको छ ।संस्थाले गत आर्थिक वर्षमा ८९ लाख ६ हजार ३सय खुद नाफा गर्न सफल भएको छ ।यस्तै अहिले लगानीको आधारमा ३६लाख २७ हजार ४सय७९ रुपँया अहिले शेयर लगानी कर्तालाई बोनस रकम प्रदान गरिने न्यौपानेले जानकारी दिनुभयो ।साना किसान कृषि सहकारी संस्था लिमिटेड नरपानी कि अध्यक्ष सुनिता विकले बार्षिक प्रतिवेदन पस्तुत गरेको कार्यक्रममा नवराज ज्ञवालीले लेखा सुपरिवेक्षणको बारेमा जानकारी
दिनुभएको हो ।
शेयर सदस्य लगायतको सहभागीता रहेको कार्यक्रम साना किसान कृषि सहकारी संस्था लिमिटेड नरपानीका कम्प्युटर अपरेटर प्रकाश महत्राको संचालनमा सम्पन्न भएको हो
कमेन्ट गर्नुहोस !