गुल्मी रिडीदेखि अर्घाखाँचीको बल्कोट सडकखण्ड करिब १ महिना बन्द हुने
अर्घाखाँची। गुल्मीको रिडीदेखि अर्घाखाँचीको बल्कोट सडकखण्ड माघ २५ देखि फागुन २० सम्म करिब १ महिना पूर्ण रूपमा बन्द रहने भएको छ ।
सडकखण्डको साँखरा क्षेत्रमा भिर काट्ने, सडक चौडा गर्ने र ग्रेड मिलाउने कामका लागि यही माघ २५ देखि फागुन २० सम्म सडक बन्द गर्न लागिएको मदन भण्डारी राजमार्ग, योजना कार्यालय तम्घास गुल्मीका इन्जिनियर हुमानाथ पौडेलले जानकारी दिनुभयो ।
उक्त समय अवधिमा सडक पूर्ण रूपमा बन्द गर्न लागिएकाले वैकल्पिक सडक प्रयोग गरेर निर्माण कार्यमा सहजीकरण गरिदिन कार्यालयले अनुरोध गरेको छ ।
कमेन्ट गर्नुहोस !