आगो ताप्नेक्रममा आगलागी हुँदा एक जनाको मृत्यु
काठमाण्डौं ।सिन्धुपाल्चोकमा आगो ताप्ने क्रममा घर जल्दा एक जनाको मृत्यु भएको छ ।जिल्लाको बाह्रबिसेमा काठले बारेको जस्तापाताको छानो भएको एकतले घरमा आगलागी हुँदा बाह्रबिसे नगरपालिका वडा नम्बर ८ का ४५ वर्षीय लोकबहादुर नेपाली मृत्यु भएको हो ।
घरभित्र आगो बाली ताप्ने क्रममा आगलागी भई एलपी ग्यास सिलिण्डर पड्किँदा उक्त घटना भएको जिल्ला प्रहरी कार्यालय सिन्धुपाल्चोकका सूचना अधिकारी प्रहरी नायब उपरीक्षक निरञ्जन भट्टराईले जानकारी दिनुभयो ।
लोकबाहदुरको परिवारका अन्य सदस्यलाई प्रहरीले तत्काल उद्धार गरेको हो ।
कमेन्ट गर्नुहोस !