प्रधानमन्त्री प्रचण्डले आज विश्वासको मत लिँदै
काठमाण्डौं ।प्रधानमन्त्री पुष्पकमल दाहाल ‘प्रचण्डले आज विश्वासको मत लिँदै हुनुहुन्छ ।पुस ११ गते प्रधानमन्त्रीको सपथ लिनुभएका प्रचण्डले यो कार्यकालमा दोस्रोपटक विश्वासको मत लिन लाग्नुभएको हो ।प्रचण्डलाई चैत १२ गतेसम्ममा विश्वासको मत लिनुपर्ने संवैधानिक बाध्यता छ। सरकारमा सहभागी दलले समर्थन फिर्ता लिएमा ३० दिनभित्र विश्वासको मत लिनुपर्ने संवैधानिक व्यवस्था छ।
संसदको विश्वास प्राप्त गर्न १३८ मत आवश्यक पर्छ। पहिलोपटक विपक्षी कांग्रेसकोसमेत समर्थन पाएका प्रधानमन्त्रीले यसपटक नेकपा एमाले, राष्ट्रिय प्रजातन्त्र पार्टी, नेपाल मजदुर किसान पार्टीबाहेकका सांसदको मत पाउने सम्भावना छ ।प्रधानमन्त्रीको पक्षमा कांग्रेसका ८७, माओवादीका ३२, राष्ट्रिय स्वतन्त्र पार्टीका १९, जसपाका १०, एकीकृत समाजवादीका १०, जनमतका ६, नागरिक उन्मुक्तिका ४, लोसपाका ४, जनमोर्चा र आम जनता पार्टीका एकरएक तथा स्वतन्त्र २ गरी १ सय ७६ सांसदले विश्वासको मत दिने सम्भावना छ । यसअघि प्रधानमन्त्रीलाई संसदमा उपस्थित दुई सय ७० मध्ये दुई सय ६८ सांसदले विश्वासको मत दिएका थिए ।
कमेन्ट गर्नुहोस !