दाङमा चक्कुले घाँटी रेटी छोराले बुवाको हत्या गरे
दाङ ।दाङमा छोराले बुवाको हत्या गरेका छन्। जिल्लाको शान्तिनगर गाउँपालिका वडा नम्बर ३ बेलडाँडाका १९ वर्षीय गोपाल मगरले ६३ वर्षीय बुवा कर्णबहादुर मगरको घरमा तरकारी काट्ने चक्कुले घाँटी रेटी हत्या गरेको जिल्ला प्रहरी कार्यालय दाङले जनाएको छ।
दिउँसो करिब १ बजेतिर गोपालले आफ्नै घरको आँगनमा बुवाको घाँटी रेटेर हत्या गरेको जनाएको छ । प्रहरी चौकी चिराघाट र इलाका प्रहरी कार्यालय खिलतपुरबाट गएको प्रहरी टोलीले गोपाललाई नियन्त्रणमा लिई थप अनुसन्धान भइरहेको जिल्ला प्रहरी कार्यालय दाङका प्रवक्ता एवं डीएसपी मुकुन्दप्रसाद रिजालले जानकारी निनुभयो ।
कमेन्ट गर्नुहोस !