अर्घाखाँची प्रशासनले ७४ वर्षिय वृद्वलाई नागरिकता र राष्ट्रिय परिचयपत्र एकै पटक प्रदान गर्यो
सन्धिखर्क,साउन २६ ।अर्घाखाँचीमा ७४ वर्षिय वृद्वलाई पहिलो पटक नेपाली नागरिकताको प्रमाणपत्र र राष्ट्रिय परिचयपत्र प्रदान गरिएको छ ।
जिल्लाको छत्रदेव गाउँपालिका वडा नम्बर १, चिदीका खन्नेबास पाँडेटोल निवासी ७४ वर्षीय मुक्तीराम आचार्यलाई प्रमुख जिल्ला अधिकारी गोपालप्रसाद अर्याल लगायको सहभागीतामा प्रदान गरिएको जिल्ला प्रशासन कार्यालय अर्घाखाँचीले जनाएको छ ।
नागरिकता र परिचयपत्र हस्तान्तरण कार्यक्रममा जिल्ला समन्वय समितिका प्रमुख जिवनारायण कोइराला,उपप्रमुख लक्ष्मी शर्मा छत्रदेव गाउँपालिका वडा नम्बर १ का वडाध्यक्ष काजिबाबु ज्ञावाली, वडासदस्य हरिप्रसाद पाण्डे र कार्यपालिका सदस्य देवकला बिक लगायतको सहभागीता रहेको थियो ।
कमेन्ट गर्नुहोस !