अर्घाखाँचीमा एमालेको महाधिवेशन प्रतिनिधि छनोट गर्न निर्वाचन हुँदै
सागर महत ,मंसिर १३ सन्धिखर्क।नेकपा एमालेको ११औं राष्ट्रिय महाधिवेशन अन्तर्गत आज अर्घाखाँचीमा महाधिवेशन छनोट गर्न निर्वाचन हुने भएको छ । खुल्ल्ला तर्फ ९ जनाको उम्मेदार परेको छ । जसमा पिताम्बर भुसाल,सम्भु पोखरेल,रेशम थापा ,बसन्त कुमार श्रेष्ठ ,तेजप्रसाद खनाल ,कमलप्रसाद घिमिरे,श्रीकृष्ण भुसाल ,प्रेमनारायण गैरे र रामजीप्रसाद घिमिरेको उम्मेदार परेको छ ।जसबाट ६ जना प्रतिनिधि छनोट हुने छन ।
यस्तै खुल्ला महिला तर्फ ५ जनाको उम्मेदारी परेको छ । शुस्मा श्रेष्ठ, , दिपा आचार्य,लक्ष्मी गौतम, विष्णुमाया आचार्य,गिता भाट को उम्मेदार परेको हो ।जसबाट ४ जना महाधिवेशन प्रतिनिधि छनोट हुने छन ।
हिजो सहमतीमा महाधिवेशन छनोट गर्ने भनिएता पनि सहमती हुन नसक्दा महाधिवेशन प्रतिनिधि छनोट गर्न आज निर्वाचन हुने भएको छ ।जसअन्तर्गत सन्धिखर्क नगरपालिकाको टुँडिखेल ,शितगंगा नगरपालिका को ठाडाको डमरुदहको सामुदायिक भवन,भुमिकास्थान नगरपालिका को पालिका को सभाहल नुवाकोट,मालारानी गाउँपालिका को खनदह पार्टी कार्यालय,खनदह ,छत्रदेव गाउँपालिकाको कोल्दी कभर्ड हल केरुङगा,पाणिनि गाउँपालिकाको पालिकाको सभाहलमा मतदान हुने नेकपा एमाले जिल्ला अध्यक्ष पिताम्बर भुसालले जानकारी दिनुभयो ।प्रतिनिधि छनोट गर्नको लागि सम्बन्धीत पार्टी सदस्यताको कार्ड र पहिँचान खुल्ने कागजात ल्याउन पर्ने छ । निर्वाचन बिहान १० बजेदेखि दिउँसो ४बजे सम्म हुने छ ।
खुल्ला ६ जनाको लागि ९ जनाको उम्मेदवारी , महिला ४ जनाको लागि ५ जनाको उम्मेदवारी परेको हो । दलित खुल्ला तर्फ लिला विक र आ्शा परियारको सर्वसहमत चयन हुनुभएको छ ।
महाधिवेशनमा १२ सय पार्टी सदस्य बराबर चार जना प्रतिनिधि हुन पाउने छन् । अर्घाखाँचीमा ७ हजार आठसय तेतिस कुल सदस्य रहेका छन् भने जस बाट १३ जना प्रतिनिधि छनोट हुने छन् ।
कमेन्ट गर्नुहोस !