सन्धिखर्क साना शहरी खानेपानीको निर्वाचन सम्पन्न, १हजार बढी मत खस्यो
सन्धिखर्क,कार्तिक ०३ ।अर्घाखाँचीमा संघिय निर्वाचनको झल्के दिने गरी खानेपानीको निर्वाचन सम्पन्न भएको छ ।
सन्धिखर्क साना शहरी खानेपानी तथा सरसफाई नगर आयोजना उपभोक्ता मुल संस्थाको छैठौं अधिवेशनको निर्वाचन सम्पन्न भएको हो ।
जसमा बिहान १० बजेपछि भएको मतदानमा १हजार ६८ मत खसेको छ ।सरकारी धारा बाहेकका मतदाता अर्थात उपभोक्ताको संख्या १हजार ७सय३३मत रहेको कार्यालय प्रमुख कृष्ण प्रसाद आचार्यले जानकारी दिनुभयो ।
आयोजनाको नौ सदस्यीय समिति र तीन सदस्यीय लेखा समितिका पदमा कांग्रेस, एमाले, नेपाली कम्युनिस्ट पार्टी र राष्ट्रिय जनमोर्चाको संयुक्त गठबन्धनले आयोजनाको अध्यक्षमा युवराज खत्रीको नेतृत्वमा साझा प्यानल थियो ।
त्यस्तै, स्वतन्त्र नागरिकबाट बाबुराम भुसाल नेतृत्वको टिम रहेको थियो । त्यसलाई जेन–जी समूह, रास्वपा, राष्ट्रिय प्रजातन्त्र पार्टी लगायतका दलले समर्थन गरेका थिए ।मत गणना भोली बिहान हुने जनाएको छ ।
सन्धिखर्क नगरपालिका १ र २ मा रहेका उपभोक्ताहरुको उत्साहजन सहभागीता रहेको थियो ।यो निर्वाचनले अब हुन लागेको संघिय निर्वाचनमा पनि जनताको मतको परिक्षण कता भन्ने केहि संकेत गर्ने आकलन गरिएको छ ।
कमेन्ट गर्नुहोस !