साथी सहकारीको पुँजी तथा दायित्य २७ करोड बढी पुग्यो
सागर महत,कार्तिक ३० अर्घाखाँची ।
अर्घाखाँचीको सन्धिखर्क नगरपालिका २ मा रहेको साथी बचत तथा ऋण सहकारी संस्थाको १३ औं वार्षिक साधारण सभा सम्पन्न भएको छ ।कुल २हजार ९सय ८७ जना शेयर सदस्य रहेको सहकारीमा आर्थिक वर्ष २०८१/८२मा शेयर पुँजी २५ करोड६६लाख ३हजार ९सय रुपँया रहेको अध्यक्ष प्रकाश भुसालले जानकारी दिनुभयो ।
जसको पुँजी तथा दायित्य २७ करोड १० लाख ६१ हजार ७सय ५९ रुपँया रहको छ ।संस्थाको खुद नाफा ४१ लाख १हजार ९सय ३३ रहेको उहाँले बताउनुभयो ।यस्तै आर्थिक वर्ष २०८२/८३का लागि शेयर पुँजि २६ करोड ५० लाख अनुमानीत गरिएको भुसालले बताउनुभयो ।यस्तै सहकारीलाई जिल्लामा फरक तरिकाले संचालन गर्न सफल भएको उहाँको भनाई छ ।
कार्यक्रममा ६ जना ज्येष्ठ सदस्य, ५ जना असल ऋणी सदस्य, ५ जना असल बचतकर्ता सदस्य, १ जना उद्यमी सदस्य, १ जना उत्कृष्ट कर्मचारी र १ जना पत्रकार गरी १९ जनालाई सम्मान गरिएको थियो । यस्तै संचार क्षेत्रबाट रेडियो देउराली तथा ईमेज टेलिभिजनमा कार्यरत सागर महतलाई सम्मान गरिएको उपाध्यक्ष रुद्र श्रेष्ठले जानकारी दिनुभयो । विष्णु प्रसाद बन्जाडेले कार्यक्रमा लेखा तथा सुपरिवेक्षणको प्रतिवेदन पस्तुत गर्नुभएको हो ।
साधारण सभा सञ्चालक समितिका अध्यक्ष प्रकाश भुसालको अध्यक्षता, उपाध्यक्ष रुद्र प्रसाद श्रेष्ठको स्वागत मन्तव्य र सदस्य विमला केसीको सञ्चालनमा सम्पन्न भएको हो । 
कमेन्ट गर्नुहोस !