रोल्पामा बस दुर्घटना ४ को मृत्यु, १४ घाइते
रोल्पा। रोल्पामा बस दुर्घटना हुँदा ४ जनाको मृत्यु भएको छ भने १४ जना घाईते भएका छन्। आज सहिदमार्गको तिला बजार नजिकै रिसि घुम्ती भन्ने ठाँउमा बस दुर्घटनामा परेको थियो।मृत्यु हुनेमा तिन जना माडी गाउँपालिकाका रहेका छन ।
जसमध्ये हस्ता डाँगी,गोरख डाँगी ,प्रकाश बाँठा रहेको त्यहाँबाट वुद्व्रीमान ओलीले जानकारी दिनुभएको छ । यस्तै सोहि दुर्घटनामा परि परिवर्तन गाउँपालिकाका भक्त बहादुर बिक पनि मृत्यु भएको बताएको छ ।घाइतेको विभिन्न अस्पतालमा उपचार भैरहेको जनाएको छ ।
रोल्पाको बाघमारादेखि दाङको घोराहीतर्फ जाँदै गरेको ना ५ ख २६१२ नम्बर को बस रोल्पाको तिला बजार नजिकै रिसि घुम्तीमा मध्यान्ह करिब १२ः३० बजेको समयमा दुर्घटना भएको थियो। बस सडक बाट करिब १०० मिटर तल खसेको थियो।
कमेन्ट गर्नुहोस !