अर्घाखाँचीमा १२ औं राष्ट्रपति रनिङ सिल्ड प्रतियोगिता सुरु
अर्घाखाँची ।अर्घाखाँचीमा १२ औं जिल्ला स्तरीय राष्ट्रपति रनिङ सिल्ड खेलकुद प्रतियोगिता आज देखि सुरु भएको छ ।सदरमुकाम सन्धिखर्कमा रहेको टुडिखेल मैदानमा सुरु भएको खेलको एमाले सचिव तथा प्रतिनिधि सभा सदस्य टोपबहादुर रायमाझीले उद्घाटन गर्नुभएको हो । उद्घाटन कार्यक्रममा बोल्दै उहाँले राष्ट्रपति रनिङशिल्ड प्रतियोगिताले विद्यार्थीलाई शैक्षिक विकाससँगै खेलकुद क्षेत्रमा पनि अब्बल बनाउन महत्वपूर्ण भूमिका खेल्ने बताउनुभयो ।
भलिबल, दौड, ज्याभलिङ, हाईजम्प, लङजम्पलगायतका खेलहरु सञ्चालन हुने जिल्ला खेलखुद विकास समितिका अध्यक्ष विष्णु क्षेत्रीले जानकारी दिनुभयो ।प्रतियोगितामा जिल्ला का तिन नगरपालिका र तिन गाउँपालिका बाट प्रतिनिधित्व हुने गरि खेलाडी सहभागी रहेको छ। प्रतियोगिता तिन दिन सम्म चल्ने छ ।
कमेन्ट गर्नुहोस !