अर्घाखाँचीमा बिमित परिवार संख्या ६४ प्रतिशत पुग्यो
सागर महत ,मंसिर ०९ अर्घाखाँची ।
अर्घाखाँचीमा पछिल्लो समय स्वास्थ्य बिमा गराउनेको सङ्ख्या बढ्दै गएको पाइएको छ । सरकारी स्वास्थ्य संस्थामा उपचार गराउँदा बिमा बोर्डले उपचारमा लागेको खर्च व्यहोर्ने भएपछि बिमा गराउने सङ्ख्या बढ्दै गएको हो ।
जिल्लामा अहिले सम्म विमितको संख्या ९६हजार २सय ५० पुगेको छ । जसमा पुरुष ४६हजार ५सय ९७ र महिला ४९हजार ६सय ५१ रहेको स्वस्थ्य बिमा बोर्ड शाखा कार्यालय अर्घाखाँचीका कार्यालय प्रमुख राम बहादुर थापाले जानकारी दिनुभयो ।
जम्मा बिमित परिवार संख्या३१हजार २२ रहेको छ । प्रतिशतका हिसावले ६४ प्रतिशतले जिल्लाभरमा बिमा गरेका छन ।
यस्तै ६ वटा पालिका मध्ये सन्धिखर्क नगरपालिकामा२५हजार २सय ४८,शितगंगा नगरपालिकामा १६हजार १सय ८८, भुमिकास्थान नगरपालिकामा ९हजार ८सय७४,मालारानी गाउँपालिकामा १०हजार ३सय ४६,छत्रदेव गाउँपालिकामा १७हजार ९सय२५ र पाणिनि गाउँपालिकामा १६हजार ६सय ३३ बिमित रहेको उहाँले बताउनुभयो ।
पालिका स्तरमा प्रतिशतको हिसावले सबै भन्दा बढी छत्रदेव गाउँपालिकामा ८२ दशमलप ९४ प्रतिशत बिमित रहेका छन ।त्यस्तै भुमिकास्थान नगरपालिकामा सबै भन्दा कम९हजार ८सय७४ पुगेको प्रमुख थापाले जानकारी दिनुभयो ।
स्वास्थ्य बिमा गराएका व्यक्तिको प्राथमिक स्वास्थ्य केन्द्र, , जिल्ला अस्पताल, प्रादेशिक अस्पताल र सङ्घीय अस्पतालमा उपचार सेवा प्राप्त गर्दै आएका छन् ।
कमेन्ट गर्नुहोस !