अर्घाखाँची खानेपानी निर्वाचनमा कांग्रेस एमाले लगायका चार दललाई हराउँदै स्वतन्त्र उम्मेद्वार विजयी
सन्धिखर्क,मंसिर ०५ ।अर्घाखाँचीको सन्धिखर्क साना सहरी खानेपानी तथा सरसफाइ नगर आयोजना उपभोक्ता मूल संस्थाको अधिवेशनमा नयाँ नेतृत्व चयनका लागि भएको चुनावमा चार दलीय गठबन्धनका साझा उम्मेदवारलाई पराजित गर्दै स्वतन्त्र विजयी भएका छन् ।
स्वतन्त्र नागिरक समाजका नाममा उम्मेद्वार भएर राष्ट्रिय स्वतन्त्र पार्टी राप्रपा लगायतको समर्थनबाट बाबुराम भुसालले कांग्रेस, एमाले, नेपाली कम्युनिस्ट पार्टी र राष्ट्रिय जनमोर्चाका अध्यक्षका साझा उम्मेदवार युवराज खत्रीलाई १ सय २० मतले पराजित गर्नुभएको छ ।
भुसालले ५ सय ६३ र खत्रीले ४ सय ४३ मत ल्याउनुभएको हो । १ हजार ७ सय ३१ उपभोक्तामध्ये बुधबार भएको मतदानमा १ हजार ६८ मत खसेको थियो ।
भदौ २४ को जेन–जी प्रदर्शनपछि भुसालले कांग्रेस सन्धिखर्क नगर सभापति पदसहित पार्टी परित्याग गरेर स्वतन्त्र भएका थिए । युवराज खत्री गठबन्धन अन्तर्गत कांग्रेसबाट उम्मेदार रहनुभएको थियो ।नव निर्वाचित भुसालले पहिलो प्रथामिकता शुद्व पानी खुवाउने रहेको बताउनुभएको छ।
बरिष्ठ उपाध्यक्षमा बेदराज घिमिरे स्वतन्त्रले ५सय१८मतले बिजयी उनका निकटतम प्रतिद्वदी गठबन्धन एमालेबाट बाबुराम भुसाल ४सय२९मत प्राप्त गर्नुभएको हो ।गठबन्धन अन्तर्गत नेपाली कम्युष्ट पार्टीबाट उपाध्यक्षमा भेषबहादुर क्षेत्रीले ४सय ७१ मत प्राप्त गर्दै बिजयी हुनुभएको छ भने उहाँका प्रतिद्वदी दिलबहादुर वली स्वतन्त्र ४सय४६ मत प्राप्त गर्नुभएको हो ।
सचिवमा जीवलाल पौडेल गोपालले गठवन्धन राष्ट्रिय जनमोर्चाबाट तर्फ ४सय७४ मत प्राप्त गरि बिजयी हुँदा उहाँका प्रतिद्वन्दी कृष्ण बहादुर शाही स्वतन्त्र ४सय४१ मत प्राप्त गर्नुभएको हो ।कोषाध्यक्षमा सरिता महत क्षेत्रीले स्वतन्त्रबाट ४सय७७ बिजयी हुनुभएको छ उहाँका प्रतिद्वन्दी एमालेकी सुमित्रा मुखिया गठबन्धनबाट ४सय४९मत प्राप्त गर्नुभएको हो ।
सहसचिवमा राष्ट्रिय जनमोर्चाकी कल्पना पोख्रेल गठबन्धन तर्फबाट ४सय६१ बिजयी हुँदा उहाँका प्रतिबद्वी शकुन्तला भुसाल स्वतन्त्रले ४सय३९ मत प्राप्त गर्नुभएको हो ।सदस्य तथा लेखा समितिमा पनि कांग्रेस एमाले,नेपाली कम्युष्ट पार्टी र जनमोर्चाका गठबन्धनका उम्मेद्वार विजयी भएका हुन ।सदस्यमा नवीन सुनार, कमला अर्याल,मतिलाल खनाल बिजयी भएका छन ।
लेखा समितिको संयोजकमा सुनिता बेल्वासे बिजयी हुनुभएको छ ।यस्तै लेखा समितिको सदस्यमा कमल ढकाल, ज्ञानबहादुर बि.क. विजयी हुनुभएको हो ।
कमेन्ट गर्नुहोस !